محمد رمضان للاعلام : توقفوا عن القسوة ضدي انا وابني

في بيان تأخر كثيرا، أخيرا تحدث الفنان المصري محمد رمضان عن ازمة ابنه بعد قرار محكمة مصرية بايداع الطفل دار رعاية.

رمضان قال :

ابني كان واضح في الڤيديو اللي النيابة شافته إنه كان قاعد في حاله مع أخته الصغيرة في النادي ومجموعة أطفال راحوله يقولوله أنت أسود زي أبوك و أبوك عنده ڤيلا كبيرة وعربيات علشان فلوسه حرام إنما إحنا عايشين في شقق نيو جيزة علشان أهالينا مش حرامية..

 

واضاف : ولما ابني كلمني في التليفون سمعت الكلام ده بنفسي.. و واضح إن ده كلام أهل طفل منهم لأن مستحيل طفل يفكر كدة وده في حد ذاته بيزرع الحقد و الغل الطبقي بين الأطفال..

واكمل :
رحت لأبني النادي واتكلمت مع الأطفال قدام فرد الأمن و مدرب السباحة إنكم إخوات و جيران وده واضح في فيديوهات النادي اللي شافتها النيابة.. عموماً دي حلقة من سلسلة طويلة من الاضطهاد الواضح و القسوة والتعنت تجاهي لأكثر من ١١ سنة و بكتب النهاردة بس علشان ماتخيلتش انهم يدخلوا طفل عنده ١١ سنة في معركتهم مع أبوه.. ماتوقعتش قسوة الحكم والتشهير بيا وبعيلتي للدرجة دي.

وقال رمضان إن القانون يطالب بضرورة حماية الطفل بحجب هويته واسمه و صورته عن الإعلام والصحافة حتى لو كان مُجرد شاهد في قضية ولكن لأن الطفل هذا والده محمد رمضان يبقى حلال !

مستنكرا : وكل الصحف نشرت صورة ابني وكتبت إنه هيتاخد من أمه وأبوه وهيروح دار الرعاية مع إن القانون بيمنع النشر ولكنهم نشروا.. لكن رغم كل شيء لا أشك أبداً في نزاهة القضاء المصري.

وختم حديثه المليء بالحسرة : وللعلم الشارع المصري فاهم اللي بيحصل و شايفه بوضوح الشمس لكن (مهما حاولوا ومهما ظلموا سواء بالقصد او بالجهل هنفضل أنا و أولادي وعيلتي نحب بلدنا وهنعيش ونموت فيها.. ولا عاش ولا كان اللي يكرهني فمصر.. نحيا كمصريين أولاً بحبنا لبعض بدون غيرة أو حقد أو استكتار علشان تحيا مصر