فاطمة المعدول : هند صبري هي اللي شوفينية
تعليقا على الحملة العشوائية ضد الفنانة التونسية هند صبري بسبب إعلانها المشاركة في احتفال نقل المومياوات المصرية، هاجمت الكاتبة فاطمة المعدول صبري، ووصفتها بالعنصرية !
المعدول كانت قد تابعت ردود الأفعال المتباينة من مساء الأمس على مشاركة صبري في احتفالية نقل المومياوات.
وأعلنت عن انضمامها للفريق الرافض لوجود صبري بسبب انها غير مصرية.
فكتبت عبر حسابها الشخصي في فيسبوك :
انا ولا متعصبه ولا شوفونية لكن هند صبري بالذات متعصبه جدا وشوفونيه وده حقها انا شفتها اكتر من مره في مقابلات خارج التليفزيون المصري اول ماحد يقول مصريه تتنفض وكأن حد قرصها وتقول انا تونسيه و تتكلم تونسي.
وانا قلت من الاول ده حقها لكن مش من حقها ولا من حق اللي اختارها انها تمثل الحضاره المصريه !!!
مصر اللي عملتها و اتشهرت فيها وعملت شعرها فيها وبقي حرير وعملت ماكياج وبقت قمر ولبست وخراط النجوم خرطها فيها وواتجوزت فيها راجل ملو هدومة وخلفت فيها ومش عايزه اقول اكتر من كده علشان ماباحبش اعاير حد !!
هي ياجماعه مش عايزه تنتسب لينا هي حره … ليه بقي تجيبوها تمثل الحضازه المصريه العظيمه ياسلام
هوه المصريات خلصوا وهو لازم ممثلات وهو حتي ممثلاتنا عالمين هانوزع بيهم الحدث مثلا ونجيب فلوس ياجماعه.
(( البطل في الحدث هم قدماء المصريين والفراعنه اجدادنا العظماء مش احفادهم الخايبين اللي مش عارفين يختاروا حد يمثلهم !!))
وفيه مصريات وشهم فرعوني وسمراوات وجميلات مش لازم ممثلات يعني لو استعانوا بأي مكتب كاستينج هايجيب لهم المطلوب
واذا كان ولابد ممثلات يبقي مالها حنان مطاوع وسهر الصايغ واسماء ابو اليزيد ومنه شلبي وسوسن بدر وحتي ياسمين صبري تنفع …
لكن هند لا لا لا …وصباحكم فل.
