دفاعا عن هند صبري .. أمجد جمال يكتب : آثاري وأنا حر فيها .. محدش له دعوة بيها

في إطار التعقيب على الأزمة المفتعلة من مساء أمس بسبب مشاركة هند صبري في حدث نقل المومياوات المصرية، كتب الكاتب أمجد جمال رأيا مختلفا، لينضم للفريق المدافعين عن هند بأسباب ومنطق.

ورغم أن منطق جمال قد يبدو بعيدا عن فهم العوام، ولكنه مختلف عموما عن الأسباب التي يستخدمها المتعاطفين مع صبري في الدفاع عنها.

لكن

أمجد جمال كتب عبر حسابه الشخصي في فيسبوك التالي : 

من سنة كدا HBO حجبت فيلم ذهب مع الريح لأسباب عبثية لا داعي للخوض فيها الآن .. كنت من قلة أعلنوا غضبهم من الخبر لكن فوجئت ببعض الزملاء والأصدقاء اللي بيسفهوا ويصادروا على هذا الغضب باعتبارنا مش أمريكان والمفروض نهتم بالبلاوي اللي عندنا الأول.
ماكنتش فاهم ايه التعارض من إني أغضب من اللي بيحصل جوة واللي بيحصل برة في نفس الوقت .. وليه حد يجي يحددلي أولوياتي والمواضيع المفروض أتكلم فيها بناء على جنسيتي! .. بس بعدين أدركت المشكلة الحقيقية .. وهي إن فيه ناس مش مدركين يعني ايه “تراث إنساني” ..

مش مدركين إن “ذهب مع الريح” دا تجاوز هويته الأمريكية وبات جزء من تراث البشر الفني في القرن العشرين ومعني بيه أي شخص مهتم بالثقافة في العالم .. ودا نظرا لقيمة التراث دا .. وكلما ارتفعت القيمة كلما تجاوز الاهتمام نطاق المحلية .. دا نفس الشيء اللي خلى مؤسسة سكورسيزي للأفلام تقوم بحفظ وترميم فيلم “المومياء” لشادي عبد السلام رغم إنه فيلم مصري مش أميركي لكنه تراث إنساني وذاكرة فنية .. بيفرض أهميته عالمصري والامريكي والكوري والكاميروني والهندي.

لكن
الحزين في تريند هند صبري دا ظهور أصوات مش مدركة إن الإرث الفرعوني المصري هو تراث إنساني عالمي .. معني بيه كل سكان العالم .. أه هويته مصرية لكنه يخص ويهم كل العالم .. والبشر بمختلف جنسايتهم ساهموا فيه بأشكال متفرقة ويمكن لولاهم كان زماننا كمصريين pure فضلنا مش عارفين قيمته وفضلنا ننبش فيه ونفسده ونبيعه ونسميه بتماثيل “المساخيط”.

معظم الاكتشافات الأثرية العملاقة جوة مصر كانت لأجانب .. منظمات دولية ممولة من كل العالم زي اليونسكو ساعدت مصر في ترميم آثار ونقل معابد للحفاظ عليها .. هل وقتها الأجنبي كان بيساعدك عشان سواد عيونك انت وحضارتك؟ ولا لأن بقاء آثار الحضارة العظيمة دي شيء إيجابي لكل الإنسانية. واشمعنى قبلت الأجنبي يساعدك ويمولك ساعتها ودلوقتي جاي ترفض إن الأجنبي يشاركك في فرحتك بهذا التراث؟ (دا بافتراض إنه أجنبي أصلا).
دي مشكلتي الأكبر مع اللي بيهاجموا هند صبري .. مش بس ان بينطبق عليهم رصة مصطلحات حلوة زي العنصرية والزينوفوبيا والشوفينية ..

لكن إنهم بيقللوا من قيمة التراث المصري بفرض سور من المحلية حواليه .. سور كل ما اتمد كل ما التراث دا بقى بلا قيمة.

لكن

لأن