أمنيات رولا خرسا للعام الجديد : الصحة والناس الحنينة وعمر بلا هم

كشفت الاعلامية المصرية المميزة رولا خرسا عن أمنياتها للعام الجديد، مع اول يوم في العام.

خرسا قالت :

اولا الصحة ثم الصحة .. مفيش اهم منها صدقوني، اتمناها ليكم ولحبايبكم. لأننا حينما نمرض او شخص نحبه يمرض، بنكون حاسين ان الدنيا سودا قدام عينينا.

كما ادعو الله ان يقربنا منه اكثر واكثر. حينما نكون قريبين منه، لا نحتاج للبشر

كما أدعو لي ولكم بناس حنينة تملأ حياتنا، لا شيء يضاهي الحنية في الدنيا هذه رزق..

وأضافت : وأدعو الله نفقد قدرتنا علي الاستمتاع بالأشياء والأمور والتفاصيل. ان نرى منظر حلو فنقول “الله” .. ألا نفقد قدرتنا علي الابتسامة او الانبساط ونحن نستمع الى اغنية حلوة.

وقالت : يا رب يملا قلوبنا رحمة علي البشر والحيوانات ونشعر بالحزين ونسند المريض ونفرح للناس الفرحانة ..

يا رب نعرف نعيش صح… وألا نضيع وقتنا حاملين الهم حتى يجري العمر ونندم علو ما فات وضاع..

وأدعو ان ربنا يبعد عننا اي حد مش بيحبنا بجد، وربنا يدينا علي قد نيتنا ويعوضنا خير عن كل محبة وزعناها وما خدناش قدامها حاجة.. ربنا يدينا القدرة اننا نسامح الي بيوجعونا وندعي لهم بالهداية.

خاتمة : وربنا ما يورينا اي حاجة وحشة في اي حد بنحبه.

وبدعي لنا اننا ما نخليش هموم الدنيا وضغوط البشر تفقدنا قدرتنا علي الحلم والأمل ان بكرةً ممكن يبقي احلى

كل سنة وكلنا طيبين وقلوبنا مليانة رحمة وسلام ومحبة.