سبعة تصريحات جريئة من آية سماحة عن الصلاة والتحرش والإنجاب

في حوار جريء أدارته إميرة بدر، وحلت فيه عليها كضيفة الفنانة المصرية الشابة آية سماحة، عبرت سماحة عن عدد من آراءها الجريئة دون مواربة أو خوف.

أبرز هذه التصريحات :

 

– تعرضت للتحرش في طفولتي لما كان عندي 11 سنة، ودعم والدتي وتربيتي الواعية ساعداني على تحويل هذه التجربة إلى درس في الشجاعة والثقة بالنفس.

– مش شايفة في ملابسي أي شيء مستفز.

– لا أريد إنجاب أطفال لأنني تأثرت بما حدث في طفولتي بين والدي ووالدتي رغم ان انفصالهما كان القرار الصحيح لأن المشاكل الكبيرة اللي حصلت بينهم أثرت علينا جميعا.. وأنا شخصيًا، لا أستطيع تحمل المسؤولية ولا أستطيع التضحية، وأخاف أظلم طفلًا معي بينما لم أستمتع بحياتي بعد.

– الرجل اللي مش متربي مش بيحترم الست، شايف إنها أقل منه، مكانها المطبخ، أو حتى ممكن يمد إيده عليها.. ياريت البنات تفهم إن اختيار راجل متربي مش حاجة صغيرة، التربية هي اللي بتصنع الرجل الحقيقي، عشان شوفت ناس مش متربية برضه كتير.

– كنا في مستوى معين، ولما الفلوس قلت كتير فضلت وسط ناس في نفس المستوى، لكن أنا مبقتش في نفس المستوى.. ولما مكانش فيه شغل بعت هدومي على إنستجرام وحاجات بتاعتي مش عايزاها، واشتغلت في شركة سياحة.

– وصلت سنة تالتة جامعة وبعدين مكملتش دراسة، لأن اللي كنت بدرسه ماكنش هينفعني خالص.

– بحب أصلي جدا، علشان أقابل ربنا 5 مرات في اليوم ونتكلم.. وهذه العلاقة تحصنني من أي شر.