أمير طعيمة يتسرع ويهاجم ميريام فارس بقسوة

شارك الشاعر أمير طعيمة في وصلات الهجوم والاهانات التي شنها بعض الشخصيات العامة على ميريام فارس من الأمس.

وذلك كرد فعل على تصريحها في المغرب “انا صرت تقيلة على مصر” .

والذي أشارت فيه إلى أن اجرها أصبح اكبر من قدرات المتعهدين في مصر، خاصة بعدما أصبحت نجمة.

أمير طعيمة كتب منشورا عبر صفحته الشخصية فيس بوك، وقال فيه :

الى ميريام فارس ..
فيه نجوم عالميين كتير غنوا في مصر بعد الثورة، و اجر Yanni في حفلتي الاهرامات تخطي المليون دولار

معظم نجوم الصف الاول في لبنان أقاموا حفلات في مصر زي إليسا و نانسي و راغب و حتي العظيمة ماجدة الرومي و قائمة طويلة.

و أنا و إنتي عارفين انهم بياخدوا أجر يفوقك بمراحل و انا و انتي عارفين الأرقام و الفرق الكبير بينهم و بينك.

إنتي مش تقيلة علي مصر خالص، إنتي بس أرشيفك اللي مش تقيل كفاية عشان يبقي عليكي طلب في بلد زي مصر

فالأفضل تشتغلي علي نفسك و تعملي الشغل اللي يخليكي تبقي مطلوبة في مصر بدل الحجج اللي دمها تقيل دي.

وختم : و الله اترددت كتير قبل ما أكتب البوست ده، بس ما ينفعش برضه اعمل مش واخد بالي.
بلاش مصر يا ميريام، ان مكانش من باب الأدب يبقي من باب الذكاء.