نص تصريحات شيرين مع لميس الحديدي بعد انفصالها النهائي عن حسام حبيب

بسرعة الصاروخ انتشرت وأصبحت تريند .. تصريحات شيرين مع لميس الحديدي الليلة كانت سببا كافيا في عودة شيرين لمركز اهتمام الوسطين الفني والثقافي.

تصريحات شيرين كانت غير متوقعة .. أجابت عن كل الأسئلة العالقة

فتحت قلبها ووضعت نهاية معلنة ونهائية لعلاقتها المسممة بحسام حبيب.

في الحلقة الاحدث من برنامج “كلمة أخيرة” للإعلامية لميس الحديدي، كان الحديث كالتالي :

 

شيرين : عايزة أبتدي إني أتأسف إني كدبت عشان أخلي صورة إنسان تبقى كويسة.

لميس : انتي بتقولي كذب يا شيرين؟
شيرين : أنا كذبت مع إن دي أكتر حاجة ربنا مابيحبهاش

لميس : كذبتي في أيه؟
شيرين : في حاجات كتير أوي عشان أنا بنت أصول وعشان الإنسان ده لو حب يتجوز يعرف يتجوز ، وأنا بصراحة نفسي يتجوز ويغور بعيد عني

لميس : طب أيه اللي جدد الموضوع مش كان خلاص خلص؟
شيرين : أنا ست قاعدة في أمان الله مع العيال اللي شايفين الويل ومكناش عايشين وبناتي مكانوش عارفين يقعدوا معايا وظروفي صعبة ، عايشة مع زوج مبيشتغلش تقريبًا فـ عايشة 24 ساعة تقريبًا محبوسة في أوضة نومي قاعدة بس ..

واضافت :

فأنا غلطت في حق نفسي وكنت فاكرة إني بحافظ على بيتي بس ده مكنش بيت دي كانت عيشة فران

أنا كنت طول الوقت بحاول أجمل صورته بس سوري يعني الناس مش هُبل الناس عارفة إني بكدب ، الراجل اللي كنت عايشة معاه لا بيشتغل ولا بينزل يشوف أهله ولا صحابه مبيعملش حاجة غير حب الامتلاك ، فضلت جمبه وبدافع عنه وأنا ست خدامة الراجل اللي عايشة معاه وده مش عيب .. قسمًا بالله العظيم خسرني كل الناس أخويا وأبويا وأمي وصحابي والسواق واشغالة بتاعتي لدرجة إنه حسسني فعلا إن فيه مؤامرة إننا منكونش مع بعض وانا صدقته رغم إن الحقيقة غير كده .. ده لازم يتعالج نفسيًا لأنه عايزني قدامي وخلاص

وكشفت بمزيد من الجرأة مدى قبح حسام :

لو روحت غنيت وعملت فرح ناجح ينكد عليا ، انتي كنتي ماسكة الولد كده ليه؟ يابن الحلال ده قد ابني ، لو روحت عملت اعلان ناجح نفس اليوم يتنكد عليا مع إني تريند

لميس : بس انتي كنتي مطلقة الوقت ده يا شيرين

شيرين :  بعد اللي حصل حسيت إني لسة بحبه ومش قادرة استغنى عنه وليه مديلوش فرصة تانية ف لما اتنيلت على عيني

اتطلقت رجعتله تاني بس بشروط ، كنت فاكراه ابني مش جوزي بس واهتميت بيه وعملت ستوديو عشان شغلي وشغله

واشتريت ليه كل الاغاني اللي عجبته بـ شيكات باسمي عشان اضمن إن الأغاني دي متروحش منه .. ألاقي بعد كده بيتهمني إني تخنت وبقيت شبه أمي وانا عايز واحدة رفيعة اتباهى بيها ده غير الخناقات اللي فيها ضـ.ـرب وسحـ.ـل على الأرض وشتيمة مفيش بني آدمة تقبلها على نفسها

أنا لما قصيت شعري وطلعت غنيت كان علشان بناتي ميتقعدوش أمهم كانت قرعة فـ أنا حسستهم إني عملت نيو لوك وتعبت لما الناس شافتني بالمنظر ده .. أنا آسفة لشيرين عبد الوهاب وآسفة لجمهوري اللي كان شايفني وعارف إن أنا مش كويسة وأنا طالعة أقولهم كلام ملوش أي علاقة بالواقع.

لكن

لأن

لكن

لأن