ابن محمود ياسين يدخل على الخط في معركة ياسمين والعوضي
سخر عمرو محمود ياسين ، مؤلف مسلسل ياسمين عبد العزيز الجديد من مسابقات أحمد العوضي متسائلا : حد فيكم خد عربية لما شاف سوق العصر؟ أو كسب دهب لما تابع ليالي الحلمية؟
مؤلف مسلسل “وتقابل حبيب” بطولة الفنانة ياسمين عبد العزيز، كتب على صفحته :
بصراحة أنا حاسس إني مظلوم في المنافسة السنة دي… كتير مسلسلات عاملين مسابقات وجوايز قيمة، والجمهور متفاعل، وأنا لا عندي مسابقات ولا عندي جوايز! يعني حتى لو فكرت أعمل مسابقة، هسأل إيه؟ ‘مين بطل المسلسل؟’ وأهدي الفايز إيه؟
متابعا : أنا كده مش عارف أنافس الصراحة… بس لما بفكر كده، زمان المسلسلات كانت بتنجح من غير كل ده…
حد فيكم خد عربية لما شاف سوق العصر؟ أو كسب دهب لما تابع ليالي الحلمية؟ النجاح الحقيقي بييجي من الحكاية الحلوة اللي تفضل مع الناس..
ده اللي افهمه ولا الدنيا اتغيرت ولا ايه وانا اللي مش دريان؟
عشان كده، بجائزة أو من غير، مستني محبي و جمهور الدراما في رمضان مع مسلسل وتقابل حبيب… لأن الحكاية الحلوة هي اللي بتكسب في الآخر!
لجان العوضي ترد
على الفور انطلقت اللجان الالكترونية التابعة للعوضي للرد عليه، فمنهم من علق على ابن محمود ياسين :
متبطلوا فتى بقه العوضى بيعمل المسابقات ده داخله فى تلات سنين اشمعنه دلوقتى بنتكلم على المسابقات علشان مش لقين حاجه نقوله طب مهو نجح باكتساح فى حق عرب وهينجح برده فى فهد البطل علشان المسلسل قصتوا جمده انت حضرتك زعلان ليه مكل واحد إدارة بشغله ولا علشان لقيته المسلسل هيحقق مشاهده عاليه خايفين على مسلسلك عامتن النجاح ده بايد ربنا وهو ربنا محبب فيه امت محمد وكفايه حب الناس ليه علشان راجل جدع ومحترم وكفايه انوا مبيغلطش فى حد سبيوة فى حاله بقه والجائزة الا بيعمله ده بيحبر بخاطر اخواته برده ايه يعنى لم يعلى من مسلسلوا ايه الا يزعلك اخواته فرحنين بيه وفهد البطل ناجح باذن الله نجاح باكتساح فهد البطل رقم واحد فى مصر.
وآخر علق :
